24 de outubro: DÍA DA BIBLIOTECA

Hoxe foi un día moi especial na escola: Con motivo da celebración do Día das bibliotecas (24 de octubro), no CEIP Manuel Mallo Mallo de Nadela, realizamos a presentación do Proxecto Documental Integrado daBiblioteca Escolar para este curso 2018/2019, baixo o  título "Tintileo Aventureiro".

Comezamos a xornada a primeira hora, coa aparición en cada aula dun cofre que contiña unha carta con instruccións, mapas, pistas e material para caracterizarnos, convertíndonos en exploradores da man de "Tintileo Jones" e buscar cada curso cadanseu tesouro agochado por todo o colexio.

Despois de atopar o tesouro, dirixímonos á entrada da biblioteca onde nos agardaba unha sorpresa: apareceu Tintileo acompañado da arqueóloga e xornalista Mary! 

E, ao igual que en cursos anteriores, non veu coas mans baleiras: entregounos a cada curso un clásico de aventuras. Estes libros serán o fío condutor para traballar durante todo o curso, e de xeito globalizado este proxecto integrado no PLAMBE (Plan de Mellora das Bibliotecas Escolares).

Tivemos tamén a visita de Jesús Trashorras, antigo mestre do colexio, que recitou un poema da súa autoría dedicado a todos nós.

E aínda non remataron aquí as sorpresas! Visitoutos tamén Miguel Vieira, xogador do CD Lugo, que nos invitou ao partido da vindeira fin de semana. Outra aventura máis! 

MIRA AQUÍ TODAS AS FOTOS DA ACTIVIDADE