30 DE XANEIRO: I XOGOS OLÍMPICOS POLA PAZ

Para celebrar o DÍA DA PAZ, este curso organizamos os I XOGOS OLÍMPICOS, nos que puxemos de manifesto os verdadeiros valores do deporte: a excelencia, a amizade e o respecto.

Esta actividade sumou os esforzos do Equipo de Biblioteca, co seu proxecto de "Tintileo a través das décadas", xa que cada curso participaba representando a unha época na que está traballando; o Observatorio da Convivencia, promovendo actividades que faciliten as boas relación entre o alumnado, o Equipo de Actividades Extraescolares e Complementarias, e a coordinación da profe de Educación Física.

Podes ver todas as fotos do día na nosa galería.

Visita do Breo

Hoxe recibimos no colegio a visita de Franco e Gilling, bogadores do Clube Baloncesto Breogán.

Conversaron con nós, contestando ás nosas preguntas, asinando autógrafos, repartiron entradas para o vindeiro partido no Pazo, e deixaron unha mensaxe  no noso libro de visitas.

Foi unha iniciativa patrocinada pola Deputación lucense e na que nos acompañou tamén o seu vicepresidente Álvaro Santos.

Gracias polo voso tempo! Agardámosvos outro día!

(Fotografías pertencentes ao arquivo do CB Breogán)

CERIMONIA DE ACENDIDO DA CHAMA OLÍMPICA

A chama olímpica, preside os xogos olímpicos como conmemoración do roubo do lume dos deuses por parte de Prometeo e a súa posterior entrega á humanidade. O facho pois, simboliza a luz do coñecemento e a razón dos homes.  A súa orixe remóntase á antiga Grecia, onde se mantiña un facho ardendo nos lugares de celebración dos Xogos Olímpicos Antigos.

Esta práctica foi reintroducida nos XXOO de Ámsterdam 1928, e dende entón é parte fundamental dos Xogos Olímpicos modernos

A chama, é acendida no Templo de Hera, pola deusae un grupo de sacerdotisas a través dos raios solares en Olimpia. A partir de aí, o facho inicia o seu percorrido ata o acendido definitivo na cidade onde se celebran os Xogos. Durante o percorrido, é transportada por multitude de atletas e persoalidades o mundo do deporte mediante unha serie de relevos, ata a súa chegada ao Pebeteiro Olímpico, que é acendido o día da cerimonia de apertura.

No CEIP Manuel Mallo Mallo, quixemos celebrar este ano os I XOGOS OLÍMPICOS POLA PAZ, e o primeiro dos actos foi o martes pasado, co acendido da chama. Ao longo desta semana, se realizarán a carreira de relevos portando o facho, e o luns 30, Día da Paz, celebraremos os Xogos.

Seguiremos informando!