ADMISIÓN ALUMNADO

En virtude do disposto na RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), do 5 de maio de 2020,

Informamos:

ADMISIÓN DE ALUMNADO

• Restablécese o prazo para a presentación das solicitudes de admisión de alumnado, dende o 11 ata o 18 de maio. 
• Publicación das listaxes provisionais do alumnado admitido e non admitido: antes do 9 de xuño de 2020
• Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
• Publicación das listaxes definitvas do alumnado admitido e non admitido: ata o 26 de xuño de 2020
• Formalización da matrícula en educación infantil e primaria: do 1 ao 10 de xullo de 2020

EXCLUSIVAMENTE PARA A REALIZACIÓN DESTE TRÁMITE, o centro permanecerá aberto de luns a venres en horario de 10:00 a 13:00 h, DEBENDO SOLICITAR CITA PREVIA NO TELÉFONO:

982 870 456

Prégase a toda persoa que se achegue ao Centro para a entrega de documentación cumpra coas medidas de seguridade e protección contra o Covid-19 establecidas pola Consellería de Sanidade.

Cómpre lembrar que a Consellería de Educación pon á disposición das familias unha ferramenta informática, a aplicación ‘admisionalumnado’:

https://www.edu.xunta.es/admisionalumnado 

que posibilita que os proxenitores cubran a solicitude na aplicación, marquen os criterios do baremo que, chegado o caso, queiran que se lles valoren, e poidan presentala de forma presencial no centro, ou por vía electrónica a través da propia aplicación.

Deste xeito, garántese o dereito da cidadanía ao acceso electrónico aos servizos públicos, mantendo tamén a posibilidade de presentar esta solicitude de forma presencial.

Ademais, as familias poderán consultar o estado de tramitación da solicitude nas distintas fases do procedemento utilizando o código que xera a aplicación ao cumprimentar a solicitude, xunto co DNI do proxenitor ou proxenitora asinante.

Podes descargar aquí o formulario de admisión: ANEXO II ADMISIÓN