LIBROS DE TEXTO CURSO 2026 2027

 

SOLIDARIEDADE

Unha xornada marcada pola solidariedade no noso centro

Hoxe recibimos unha visita moi especial. O presidente da Asociación Contra o Cancro de Lugo, acompañado por Miguel García, achegouse ata aquí para un acto que nos enche de orgullo e emoción.

Durante o encontro, fixemos entrega de 1050€, unha cantidade recadada de xeito íntegro grazas á venda solidaria dos libros procedentes do expurgo da nosa biblioteca escolar.

Queremos aproveitar este espazo para expresar o noso máis profundo agradecemento á Asociación. O voso labor incondicional no acompañamento a pacientes e familiares, así como o voso esforzo constante por impulsar a investigación científica, son fundamentais e un verdadeiro exemplo para toda a sociedade. 

Así mesmo, queremos dirixir un agradecemento inmenso a toda a nosa comunidade educativa. O voso apoio, a vosa implicación e a vosa concienciación fixeron posible que esta iniciativa fose un éxito rotundo. Grazas por demostrar, unha vez máis, a vosa enorme xenerosidade e compromiso coas causas que de verdade importan.

 

Fondo solidario e axudas para libros de texto e material escolar (Curso 2026-27)

Prazo de solicitude: Do 19 de maio ao 19 de xuño de 2026 (ambos inclusive).  

Convocatoria oficial: Descarge aquí a ORDE do 29 de abril de 2026 (DOG do 18 de maio)

Opción 1: Presentación electrónica

• Importante: Se elixen esta vía, deben presentar unha solicitude individual por cada fillo/a.

Para tramitala a través da Sede Electrónica, precisarán:

• Chave365 ou ben

• Certificado dixital / DNI electrónico xunto coa aplicación Autofirma.

Opción 2: Presentación presencial

Teñen dúas alternativas para entregar a documentación no centro educativo:

• Dixital e impresa: Cubran os datos na aplicación, imprime os Anexos I e II xerados e preséntenos no centro. (Aplicación)

• Manual: Cubran directamente os Anexos I e II da Orde da convocatoria e entréguenos no centro.

Casos especiais

• Alumnado sen centro asignado: Se aínda non saben en que colexio ou instituto estará escolarizado o seu fillo/a no curso 2026-2027, deben presentar a solicitude no centro onde estean matriculados/as este curso actual (2025-2026).

• Incorporacións fóra de prazo: As solicitudes por matrícula extraordinaria fóra do prazo habitual presentaranse unicamente de xeito presencial no propio centro (ata o 31/03/2027).

Documentación complementaria (Artigo 11 e 12)

Que NON teñen que presentar? Se non se opoñen a que a Administración consulte os seus datos telematicamente, non fai falta que acheguen:

• DNIs ou NIEs.

• Acreditacións de discapacidade (expedidas pola Xunta) ou de pensión por incapacidade.

• Declaración do IRPF (neste caso, lembren que deben dar a túa autorización expresa no formulario).

Nota: Se a Administración non fose quen de verificar estes datos de forma automática, poderá solicitar que os presenten máis adiante.

Para máis detalles, poden consultar a aplicación FONDO LIBROS.

ADMISIÓN DE ALUMNADO PARA O CURSO 2026-2027

 

INFORMACIÓN ÁS FAMILIAS ADMISIÓN DE ALUMNADO

PARA O CURSO 2026-2027

NORMATIVA REGULADORA DO PROCEDEMENTO DE ADMISIÓN

·         DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

·         ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

·         Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2026-2027.

 

PRAZO DE PRESENTACIÓN DAS SOLICITUDES DE ADMISIÓN

Prazo de presentación: Do 1 ao 23 de marzo, ámbolos dous incluídos.

As solicitudes (ED550B) presentaranse preferiblemente por vía electrónica, mediante o formulario normalizado dispoñible na aplicación informática admisionalumnado (https://www.edu.xunta.gal/admisionalumnado), a través da sede electrónica da Xunta de Galicia (https://sede.xunta.gal). Opcionalmente, poderanse presentar as solicitudes presencialmente no centro docente indicado en primeiro lugar ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e clave Chave365 (https://sede.xunta.gal/chave365).

A solicitude deberá estar asinada por calquera das persoas proxenitoras, titoras ou acolledoras do alumno/a menor de idade non emancipado. Deberá constar o consentimento expreso da outra persoa proxenitora, titora ou acolledora no anexo de comprobación de datos dos membros computables da unidade familiar e consentimento (anexos I-bis, II-bis).

 MATRÍCULA

O alumnado admitido formalizará a súa matrícula no centro educativo correspondente, nos seguintes prazos: 

·         Educación infantil e primaria ->do 20 ao 30 de xuño.Tamén podedes facer a reserva de praza a través da aplicación informática “admisión alumnado” co certificado dixital ou a Chave365. Toda a información aquí. www.edu.xunta.gal/admisionalumnado

·         Publicación das listaxes provisionais de persoas admitidas e non admitidas: antes do 25 de abril.

·         Publicación das listaxes definitivas de persoas admitidas e non admitidas: antes do 15 de maio.

·         Formalización da matrícula en educación infantil e primaria: 20-30 de xuño.

 

DOCUMENTACIÓN A PRESENTAR

·         ANEXOS I e II debidamente cubertos e asinados da solicitude ED550B

·         Certificado de padrón onde figuren todos os membros da unidade familiar cunha antigüidade mínima dun ano.

·         Orixinal e fotocopia do DNI do alumno/a ou do libro de familia.

·         Proximidade do lugar de traballo do pai/ nai, documento expedido polo empregador/a xunto cunha copia do contrato de traballo. O centro de traballo deberá estar determinado nunha localidade e enderezo concreto.

·         Calquera outra documentación acreditativa para a adxudicación de puntos por outros conceptos recollidos dentro da normativa vixente (certificación de familia numerosa, discapacidade, etc.,).

·         Acreditación de familia monoparental.

·         Para a valoración da renda per cápita da unidade familiar, deberá facerse constar a cantidade correspondente á base imposible no caso de declaración conxunta, ou a base impoñible de cada un dos declarantes no caso de declaración individual. A tal efecto constará a cantidade que resulta da suma das casiñas 435 (base impoñible xeral) e 460 (base impoñible do aforro da declaración do ano 2024) 

·         Criterio complementario para a adxudicación dun punto polo Centro: Que todos os centros solicitados sexan centros públicos.

   Manual axuda para as familias.

 

 

Reserva de praza para Educación Secundaria 

Curso 2026/2027

Estimadas familias de 6º de Educación Primaria:

Informámosvos de que comeza o proceso de reserva de praza para o alumnado que remata a súa etapa no noso colexio e desexa continuar os seus estudos no centro de secundaria ao que estamos adscritos: o IES Nosa Señora dos Ollos Grandes.

O alumnado que desexe escolarizarse noutro centro educativo, debe esperar á apertura do plazo ordinario de admisión de alumnado (1 ao 20 de marzo).

O período para solicitar a reserva abrangue dende o 15 de xaneiro ata o 4 de febreiro de 2026, ambos os dous incluídos..

Documentación necesaria

Para formalizar o trámite, deberedes achegar:

• Solicitude oficial (Anexo I - Modelo ED550A): debidamente cuberta,

• Anexo I-bis (Modelo ED550Abis): para a comprobación de datos e o consentimento de ambos proxenitores, titores ou acolledores.

• Libro de familia: copia do documento ou equivalente onde figure o/a alumno/a. En caso de acollemento, a resolución administrativa ou xudicial correspondente.

• DNI/NIE: Se vos opoñedes á consulta automática de datos por parte da administración, debedes achegar unha copia dos documentos de identidade dos solicitantes.

Como presentar a solicitude?

Tedes dúas opcións para realizar este trámite:

• Vía Telemática (Preferible): A través da aplicación admisionalumnado ou na Sede Electrónica da Xunta de Galicia.
• Vía Presencial: Na secretaría do CEIP Plurilingüe de Nadela, en horario de administración de 9:00 a 14:00 horas.

Normativa de referencia

Este procedemento desenvólvese segundo o establecido no Decreto 13/2022 e a Orde do 21 de outubro de 2022, que regulan a admisión do alumnado en centros sostidos con fondos públicos.

Un saúdo,

O Equipo Directivo do CEIP Plurilingüe de Nadela

Chega o Nadal!

 

Estimadas familias:

Dende o noso colexio, e en colaboración coa Biblioteca Escolar e a nosa mascota, Tintileo, estamos a traballar nun fermoso proxecto de Nadal.

Imos realizar a decoración do centro creando os nosos propios adornos artesanais a partir de materiais reciclados, inspirados nos animais do bosque.

Para poder levar a cabo esta actividade, solicitamos a vosa colaboración na achega dun adorno, para o que necesita redes os seguintes materiais:

·         Cartón groso e resistente (de caixas de embalaxe).

·         Retallos de tea ou feltro de cores variadas (para bufandas, gorros).

·         Cordel, la ou fío groso para colgar os adornos.

·         Pequenas ramas de abeto ou piñeiro (se é posible).

Podedes entregar estes materiais ao titor/a do voso fillo/a antes do vindeiro 10 de decembro de 2025.

Agradecemos de antemán a vosa imprescindible colaboración neste proxecto que enche de creatividade e ilusión o noso colexio.

Un cordial saúdo,

 

1. Materiais Necesarios:

• Base: Cartón reciclado (de caixas) ou táboas finas de madeira/MDF.
• Pinturas: Pinturas acrílicas ou témperas.
• Ferramentas e Complementos:
• Marcadores permanentes de punta fina (negro).
• Tesoiras e/ou cúter (para uso adulto ou con supervisión).
• Pegamento forte (cola branca ou cola quente).
• Cordel ou la para colgar os adornos.
• Pequenos anacos de tea, feltro, la ou papel de xornal para detalles (bufandas, gorros).
• Elementos decorativos: Ramas pequenas de abeto ou piñeiro, bagas artificiais ou naturais (non tóxicas), abalorios de madeira (opcional).

2. Elaboración da Base:

1. Deseño: Debuxa as formas desexadas para os adornos: círculos, óvalos, cadrados, ou a silueta do animal (oso, cervo, raposo).
2. Recorte: Recorta as formas na base de cartón ou madeira.
3. Furado: Fai un pequeno furado na parte superior do adorno para poder pasar o cordel.
4. Imprimación (Opcional): Pinta toda a superficie do adorno cunha capa de pintura branca ou beige para mellorar a adherencia e a viveza das cores finais. Deixa secar.

 

3. Decoración e Pintura:

1. Fondo: Pinta o fondo da figura cunha cor vibrante (vermello, azul, verde).
2. Animal: Pinta as cores base do animal escollido (por exemplo, branco para un oso polar ou marrón para un cervo). Deixa secar cada capa.
3. Detalles do Rosto: Utiliza o marcador negro ou un pincel fino para debuxar os ollos, o fociño, e as orellas. Podes engadir pequenos toques de branco para dar luz e expresión.
4. Complementos: Pinta ou recorta e pega elementos adicionais como:
• Bufandas de feltro ou tea.
• Gorros e libros de cartón ou papel.
• Patróns de cadros ou raias nas roupas.

4. Montaxe Final:

1. Texturas: Se queres un aspecto envellecido, aplica unha capa moi lixeira e case seca de pintura branca ou beige por riba da pintura base.
2. Adornos Naturais: Pega as pequenas ramas de abeto e as bagas na parte superior ou lateral do adorno, prestando atención á composición.
3. Colgante: Pasa o cordel ou a la polo burato superior e fai un nó para crear a argola. Podes engadir abalorios de madeira no cordel antes de anudar.

5.Remata o traballo!

1.       Escribe una mensaxe para toda a Comunidade Educativa polo reverso do adorno.

2.      Entrégao a túa titora ou titor o día 10 de decembro

 

 

Grazas pola vosa colaboración! Deixámosvos unhas imaxes da artista  Hyo J Him por se vos serve de inspiración. 

https://www.instagram.com/hyokim_crafts?igsh=ZnRtM3BodnVmYmo2

 

OBADOIROS DE SAMAÍN

 

24 DE OUTUBRO, DÍA DAS BIBLIOTECAS

 

VALES FONDOLIBROS

 

📚 RECOLLIDA DE VALES DO FONDO LIBROS

📅 Do mércores 9 ao venres 11 de xullo

🕙 De 10:00 a 13:00 horas

Informamos a todas as familias que durante estas datas poderedes recoller no centro os vales de libros de texto e material escolar correspondentes ao programa FONDO LIBROS da Xunta de Galicia.

LIBROS DE TEXTO 2025/2026

 

RECOMENDACIÓNS LECTORAS