Valentina, a nosa auxiliar de conversa de inglés rematou por este curso a súa estancia no noso cole, pero deixounos a súa canle de YouTube, na que podes poner a proba a túa pronunciación e mellorar a púa habilidade para falar inglés! Suscríbete á canle de Valentina!
(Podes acceder en calquera momento empregando o enlace que está debaixo do título do blog)
Solicitude de Reserva
IES N.S. Ollos Grandes
(alumnado 6º EP)
Prazo aberto: do 11 de xaneiro ao 8 de febreiro
Para presentar unha solicitude deberá seguir algunha das opcións descritas a continuación:
Cubrir a solicitude informaticamente e presentala asinada de xeito manual no centro:
Para presentar a solicitude presencialmente no centro, acceder á aplicación. admisiónalumnado, nela deberá entrara seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro.
PROCESO DE RENOVACIÓN
PARCIAL DO CONSELLO ESCOLAR
CURSO 2021-2022
CIRCULAR INFORMATIVA -
SECTOR PAIS/NAIS
De acordo coa
Convocatoria do 5 de novembro, recórdase que o próximo día 25 de novembro, en
horario de 9:00 h. ás 9:30 h. e de 13:30 a 15:40,
terá lugar neste centro a votación para a elección do representantes do sector
dos pais/nais no Consello Escolar.
Para participar na
referida votación, tal como se sinala na citada Convocatoria, procederase da
forma seguinte:
1.- Quen pode votar
Teñen dereito a
votar todos os pais/nais do alumnado
matriculado no centro e que figuran no Censo que ao efecto aprobou a Xunta
Electoral despois da súa exposición pública regulamentaria.
Tal dereito
corresponde indistintamente ó pai e a nai, polo que son electores o pai e a
nai.
2.-Modo de emitir o voto
a)
O voto será directo, segredo e non delegable.
b)
As papeletas e os sobres da votación serán,
obrigatoriamente, as previamente fixadas pola Xunta Electoral, papeletas e
sobres dos que haberá cantidade suficiente no local da votación.
c)
Nas referidas papeletas figurarán os nomes das
candidatas e cada elector ou electora debera marcar cunha cruz no cadro
correspondente a dúas.
d)
Os votantes deberán acreditar a súa
personalidade mediante exhibición do DNI ou documento similar.
e)
Finalizada a votación procederase ao acto do
escrutinio dos votos, que será público e, unha vez realizado, levantarase a
acta correspondente.
CANDIDATAS QUE
SE PRESENTAN
·
Mª Teresa Álvarez Higuera
·
Paula Ansuar García
·
Mónica Gil Castro
·
Talía López del Pozo
·
Carmen Prendes Veiga
Lugo, 17 de novembro de
2021
A directora
Mª Teresa de Juan
Lerma
Disponible a convocatoria do sector nais/pais para o proceso electoral para a renovación parcial do Consello Escolar do centro.
COBERTURA DAS
NECESIDADES SANITARIAS DERIVADAS DA COVID-19
Orde do 28 de outubro
de 2021 pola que se regulan os criterios e o procedemento de distribución de
máscaras entre o alumnado matriculado en educación primaria,educación
secundaria obrigatoria e educación especial en centros docentes públicos
dependentes desta consellería, así como en centros privados concertados no
curso 2021/22 (código de procedemento ED330E). Diario Oficial de Galicia nº
218, do 12.11.2021
INSTRUCIÓNS ALUMNADO IMPLICADO
Alumnado matriculado en educación primaria, educación
secundaria obrigatoria e educación especial:
·
Non ten que presentar
solicitude:
a. O alumnado beneficiario da axuda de material escolar no
curso 2021-2022.
·
Ten que presentar solicitude:
a. O alumnado que non foi beneficiario da axuda de material
escolar no curso 2021- 2022 que cumpraalgunha das seguintes condicións:
b. Que pertenza a unha familia cunha renda per cápita igual ou
inferior a 6.000 €.
c. Alumnado matriculado en educación especial.
d. Alumnado suxeito a tutela ou garda da Xunta de Galicia.
e. Alumnado cun grao de discapacidade igual ou superior ao
65%.
SOLICITUDES (SÓ PARA
ALUMNADO NON BENEFICIARIO DA AXUDA DE MATERIAL ESCOLAR)
• Forma de presentación da solicitude: unicamente de forma
presencial no centro educativo no que estea matriculado o/a alumno/a utilizando
o formulario normalizado (anexo I).
• A solicitude será única para todos os fillos e, de ser o
caso, tutelados, que estean admitidos no mesmo centro docente para o curso
2021/22.
DOCUMENTACIÓN
COMPLEMENTARIA
As persoas interesadas deberán achegar coa solicitude
(anexo I) a seguinte documentación:
• Anexo II (comprobación de datos dos membros computables da
unidade familiar).
• Copia do libro de familia ou documento equivalente, onde
figure o alumno e os demais membros computables da unidade familiar. En caso de
separación ou divorcio, ademais deberán achegar a sentenza xudicial e/ou
convenio regulador onde conste a atribución da custodia do/da menor.
Excepcionalmente, poderase acreditar o número de membros computables utilizando
algún dos seguintes medios:
-
Certificado ou volante
de convivencia.
-
Informe dos servizos
sociais ou do órgano equivalente do concello onde resida a familia.
• Certificado do grao de discapacidade do/da alumno/a ou
calquera membro da familia non expedido pola Administración autonómica. d)
Documentación xustificativa da situación de violencia de xénero no ámbito
familiar, encalquera das formas que enumera o artigo 5 da Lei 11/2007, do 27 de
xullo, galega para a prevención e o tratamento integral da violencia de xénero.
• Resolución xudicial de incapacitación con patria potestade
prorrogada ou rehabilitada.
• Resolución administrativa ou xudicial acreditativa da situación
de acollemento ou do certificado do centro de menores, para o alumnado en situación
de tutela ou garda da Xunta de Galicia.
• Certificado de convivencia, volante de convivencia ou
informe dos servizos sociais oudo órgano equivalente do concello onde resida a
familia, no caso de que o pai e a nai ou o titor ou titores carezan de DNI e
NIE. De conformidade co artigo 28.3 da Lei 39/2015, do 1 de outubro, do
procedemento administrativo común das administracións públicas, non será
necesario achegar os documentos que xa presentase a persoa interesada xunto á
solicitude de material escolar do curso 2021/22.
• A documentación complementaria presentarase presencialmente
no centro docente onde estea matriculado o alumno/a.
PRAZO: 10 días hábiles a partir do seguinte á publicación no Diario
Oficial de Galicia, é dicir, do 15 ao 26 de novembro de 2021.
Hoxe celebramos un magosto no colexio. Non foi unha festa como outros anos polas restriccións pola situación COVID pero anda así tivemos unha celebración ben chula!
A entrada do edificio administrativo está moi fermosa, decorada coas creación do alumnado en colaboración coas súas familias. GRAZAS! Unha vez máis respondestes dun xeito incrible! Neste vídeo podedes ver todas as creaciones que nos achegastes ao cole:
Para celebrar o Día das Bibliotecas iniciamos o Proxecto Documental Iintegrado "Mulleres", co que pretendemos poner en valor o papel da muller en distintos ámbitos sociais e culturais, educando en igualdade para que as nosas nenas e nenos medren coas mesmas oportunidades.
Agradecemos a desinteresada e xenerosa participación dos colaboradores que nos axudaron na presentación deste proxecto, recitando o poema creado polo alumnado do nos centro "Vivan as mulleres!"
RENOVACIÓN PARCIAL DO CONSELLO ESCOLAR 2021-22
Resolución do 20 de setembro de 2021. DOG do 29 de setembro
A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e estará integrada por:
Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG 9 de agosto).
Dito sorteo, que será público, e no que se preverá a designación de membros suplentes, celebrarase neste Centro o próximo mércores, día 27 de outubro, ás 11:45 horas na sala de profesoras.
Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.
